Te whakaputa rauemi
Ko tā Te Pou Taki Kōrero he hora i te ratonga whakaputa rauemi mai i tētahi pito ki tētahi. Mai i te kākano o te whakaaro ki tōna puāwaitanga, ka mahi tahi
Ko tā Te Pou Taki Kōrero he hora i te ratonga whakaputa rauemi mai i tētahi pito ki tētahi. Mai i te kākano o te whakaaro ki tōna puāwaitanga, ka mahi tahi tāua kia tutuki ai tō kaupapa.
E mōhiotia whānuitia ana tō mātou tohungatanga, ō mātou wheako mō te whakaputa rauemi: puta noa ā mātou mahi i ngā momo pāpāho, e mahi ana i roto ngā momo reo maha, ā, e mahi ana mātou i ngā mākete o Aotearoa puta atu ki ngā mākete o te ao. E hāngai ana ā mātou rauemi ki te marautanga kura. Kei te tūhono atu anō mātou ki ngā rangahau, ngā ariā, me ngā mahinga hou, mārama hoki.
Whakapā mai ki te rōpū whakaputa rauemi
Ka uiui
Ka mahi ngātahi mātou ko ā mātou kiritaki kia mārama ai, kia urupare anō ai i ō rātou hiahia.
- Mā te arataki i ngā rōpū whakamātautau kaiwhakamahi, i ngā rōpū arotahi, ka mārama ai mātou ki ngā hiahia o ā mātou minenga.
- Ka arataki, ka takoha atu ki te whanaketanga ariā, e hura ana, e tāpare ana i ngā whakaaro hei āwhina i ō mātou kiritaki ki te tautuhi i ō rātou whāinga.
Ka whakarato
- Nā te whakakaonga o ō mātou wheako ki te tīpako, ki te whakatika, ki te hoahoa, ki te hanga rauemi whakaako hoki, kāore he kāhui i tua atu i a mātou i Aotearoa nei.
- Kāore i ārikarika ngā pūkenga o ā mātou kaiwhakahaere kaupapa, kaitātari tukutuku, kaihoahoa, kaiwhakahaere hōtaka i ngā ao tā, mamati, pāpāho ororongo hoki.
- I Aotearoa nei me ngā mākete o te Ao kua hangaia e mātou he whatunga kaiako, kairangahau, kaiwhakarite, kaitakoha, kamupene hōtaka hoki – e takoha mai ana ki ō mātou rawa ā-hinengaro.
- Ka whakahaumakohia ā mātou kaupapa ā-hapori e ō mātou tūhononga ki ngā momo rōpū ā-iwi.
- He mea nui te whanake ngaio ki a mātou, kia āta whai ā mātou tāngata i te mātauranga, ā haere ake nei.
Ka waihanga
- He tohunga mātou mō te waihanga. Mai i te tā ki te tukutuku, ka wana, ka mau te iro ā mātou rauemi mā ngā kaiwhakaako, mā ngā ākonga mā ngā hapori anō hoki.
- Ko te tūāpapa o ā mātou rauemi katoa ko te hōhonu o tō mātou matatau ki te tikanga mahi me ngā marau. Kei te mōhio mātou he mea tautoko ā mātou mahi i ngā mahi whakaakoranga, akoranga whai hua anō.
- He haumaru, he pakari hoki ā mātou hātepe mō te tiaki i te rawa ā-hinengaro.
- He pūkenga ā-ao ngā kaituhi, ngā kaitoi, ngā kaihoahoa hoki e takoha mai ana ki ā mātou rauemi – nō reira he māmā noa iho nei te kī atu he ātaahua te āhua o ā mātou rauemi.
- Kua whiwhi tohu ā mātou rauemi mō ngā kai o roto, mō te hoahoa hoki.
Ka whakapai ake
- Ka whakamātauria ā mātou rauemi ki ngā kura, ki ngā hapori hoki. Ka whakamahia ngā whakataunga kia whakapai ake, kia whai hua anō ai ā mātou mahi.
- Mā ō mātou pātuinga ki ngā kura ka taea e mātou te āta tirotiro, te uiui i ngā ākonga, i ngā kaiako hoki e whakamahi ana i ā mātou rauemi.
- Nā ā mātou rangahautanga, ō mātou whatunga, tō mātou taunga hoki ki ēnei mahi kei te piki tonu te mātau i ngā wā katoa ki ngā mahi, ki ngā whakaakoranga, ki ngā akoranga hoki.
- Ko te aronga nui ko te whakamahinga o te mātau hei whakaniko i te āhua o ā mātou mahi.
Āhuatanga mahi
Ko tā mātou āhuatanga mahi he whakapuaki i te take e mahi pēnei ana mātou. Hoatu ai ēnei whakaaro ki ia ratonga, ki ia ratonga ka whakaratoa atu e mātou, ki ia rauemi, ki ia rauemi hoki ka waihangatia mai e mātou. Pānuitia ngā wāhanga nunui e whā o tā mātou āhuatanga mahi. 
Pānui mō tā mātou āhuatanga mahi